Ajetija baš o Hadždži:

"Čače o angluno kher kova thano vazdimo baši o manuša, thano odova kher kova thano ki Bekka (Mekka). Odova thano blagoslovimo hem smirinela e manušen.(Ali Imran 3/96);.

Ajeti:

"Maškar ko manuša izvestin o hadždži, te trebela pirindor, ili tharo dur drumoja upral ko lengere deve (kamile) umorna neka aven thute.(Hadždž 22/27)"

Hadisija baš o Hadždži:

"Ej Manušalen o Allah thumenge o hadždži farzi kerga, odoleske keren o hadždži. (Muslim)"

Hadis:

"Koj e Allaheskere nijeteja ka džal ko hadždži hem ka cidel pe tharo lošna lafija hem lošno ponašanje, ka iranel pe tharo hadždži cisto sar jek maksimi (čhavo) kova bijangola thari daj. (Buhari)"
Info- Info - Info - Amari Dzamija I.K.U.R. e.V. Kldinela i Dzuma ko 14:30 h. O dersi pocminela ko 14:00 h. Posener str. 209 (40231 Dusseldorf Eller)

El-Ismu – Grevoja (Dersi: Hodža Imer Ajdini)

 

Akale Derseja mangava harica amare manušenge te objasnina basi o Grevo, ili pa Arapsko vakerdo “El-Ismu”.

Premal o Islam Grevo thno te phage ili te muke sa odova so vakerela ili mangela thutar o Devel. O Grevoja delinena pe ko tikne hem bare. Bare Grevija thane odola kola isilen bari posledica sar ki akaja Dunjaja agar ko Ahireti da. Basi o bare Grevija kola thane hem save thane naj šukar vakerela amenge o Pejgamberi Muhammed  ko leskoro hadisi:

Araken thumen tharo 7 bilace bukja:

  • Te kere Allaheske amal “širko”, te pakja ko poviše Devla ili te pakja soske e Devle isile čhavo.
  • Te kere magije ili hamajlije (sihiri)
  • Te mudare nekas. Salde šaj te mudare, te odova angja o Adaleti (Sudo)
  • Te ha i kamata
  • Hem te čive iftira jeke džuvlake koja na kerga zina, te vakere soske kerga zina.
  • Te naše tharo Džihad (borba)
  • Te ha o hako e coroleskoro hem jetimeskoro

 

Isi tikne Grevija da, kola amen agar vakeraja lenge. Ama jek čačutno mu´mini (verniko) o tikne Grevoja da anglal leskere jakha thane bare sar jek planina.

Nekoj amendar šaj te pučel pe: Sar šaj te džana so i Grevo? Ili te pendžara so i šukar a so i bilačo.

Akaleske amenge dela dževapi amaro Pejgamberi Muhammed  ko jek leskoro šužo Hadisi:

Šukar i sa odova so amaro vilo osetinela pe smirimo hem zadovolno, a o Grevo i sa odova so ko amaro vilo otsetinaja pharipe hem nemir.

Ili javer Hadisi vakerela:

Grevo thano sa odova so garaveja ko to vilo a namangeja nikaske javereske te vakere.

Te lilem te gndina (razmislina) harica poviše tharo akava Hadisi ka dika soske leske but komentari na trebela soske amaro Pejgamberi but šukar objasninga o Grevo akate. I ako amen sa akalestar džanaja ama phalem grešinaja. But phuti šunava tharo amaro narodo sar vakerena: “Koj kerela bhuti ov grešinela” ili pa vakerena: “Salde o mulo na grešinela.” Odova i točno ama te puča amen dali thano akava ispravno.

 

But džene amendar vakerena: “Ake me kerava buti šukar hem pošteno pa phalem o Devel na delama barvalipa, a akava so kherela nepošteno hem gresinela isile barvalipa, o Del dinga le sa.”

 

Na, Na, agar jek mu`mini na trebela te pakhal hem te gndinel (mislinel). Sarine amen trebela te džana soske o Allah dž.h. čivela amen ko iskušenije te dikel amaro Imani. Baš akava o Allah dž.h. vakerela amenge ko Kur´ani:

Sekas thumendar ka čhiva amen ko iskušenije, harica daraja hem bokalipnaja. Ka ana thumen ko iskušenije thumare barvalipaja hem thumare dživdipaja da. A tu izraduin e sabrlijen. (El-Bekare-154).

Džemaati muslimin sarine džanena soske akaja Dunjaja thani prolazno hem nakela, ama o Allah thano večno hem o leskoro Ahireti. Amen trebela te kera bhuti e Ahireteske kova thano večno a na e Dunjajake koja thani prolazno.

O Allah dž.h. o jek ajeti vakerela amenge:

Ma te mislinen e nevernikonge soske lenge thano šukar so amen dingem lenge akate te dživdinen šukar jek izvesno roko. Amen daja lenge roko tharo dživdipe salde te šaj te bajrol lengere grevoja.

Džemaat, baši svakova kerdo Grevo amen ka ova pučle tharo Allah dž.h.

Ko kur´ani o Allah dž.h. Vakerela amenge:

Sarine ka oven irame thumen ko Devel. Pa ka oven izvestime sa odova so thumen kergen.

Bešlem li nekad te razmislina baši amere Grevoja so keraja len, Džanaja li baši sekova jek kerdo Grevo kobor baro azapi (kazna e Allaaheskeri) ka ovel amen?

O kur´ani vakerela amenge:

Ka oven phekhe jekhe but bare jagaja, ka oven phile thate kheravde izvorensar, nane te ovel thumen nisavo habe salde ka ovel thumen kare (trnija) kova ka našti ni te han ni te čaloven.

Amen te razmislina sine harica akale Ajeteske nikad ne bi kheraja sine Grevija. Ama kobor amendar mislinena akaleske. Kobor džene džana phalo Allaheskoro drumo, a kobor džene džhana phalo šejtaneskoro drumo.

O Kur´ani vakerela ko jek ajeti:

Mangena li te izvestinav thumen kaske avela o šejthani, Avela salde e hovavnenge hem e grešnikonge.

Te amen kheraja jek Grevo bizo angleder te razmislina tegani trebela te dika amaro Imani hem te puča amen dali amaro Imani thano šukar?

Sar kerelape o Grevija. O Allah dž.h. ko jekt Ajeti vakerela:

Čače o manuš ka ovel pučlo baši leskoro šunibe (Khana), dikhibe (Jakha) hem o kalbi (vilo).

A o Pejgamberi  objasnindor akava Ajeti vakerela amenge:

O jakha kerena Zina dikindor, o khana šunindor, i čhib kerindor lafi, o vasta astarindor, o phire phirindor. A, o vilo sa akala lošna bukhja mangindor, traindor kerela grevija.

Akale lafensar but šukar objasninga amenge o Pejgamberi sar kerena pe o Grevija.
Odoleske, Phralalan, trbela te pazina so amen keraja, soske ka ova pučle baši sa so keraja tharo Allah dž.h.

Sar so vakerela amenge o Kur´ani ko jek Ajeti:

Odova dive amen ka zapecatina lengere muja hem ka svedočinen lengere phire baši sa so kerge hem sa so zaslužinge.

Phralalen, nane dovolno salde amen te cida amen tharo Grevoja, nego trebela te pomožina amare phralenge da, te vakera lengo o Islam te sikava len o mangipe e Allaheskoro. Te diklem sar javer phral Grešinela amen trebela te vakera leske soske odova i greška te cidel pe odolestar, a na te beša hem te dika sar ov batinela ko Grevija. Manuš kova kerela bhut Grevija našavela po oset tharo keribe Grevo hem na mislinela soske odova i leske lošno so ov kerela, ov ovela khorolo e Grevonge soske na dikela len više.

Amaro Pejgamberi Muhammed  vakerela ko jek hadisi:

Te arakhlja tumen nisavo bilačipe džanen soske odova i tharo tumare grevija.

Odoleske phralalen keren sar so thumenge o Kur`ani vakerela:

Muken o javno hem o tajno keribe grevija.

Džanen soske o meribe thano amenge paše, soske ka ikljova ko Sudno dive hem ka ova pučle tharo amaro dživdipe, tharo sa odoborom berš so me džvdigum kobor šukaripe kergum.

 

Rodava tharo Allah te oprostinel amare greške sa dži akana so kergem len džandor ili bidžandor, soske ov thano Miloslivo. Sar so vakerela o Hadisi o Pejgamberi Mohammed  :

O Allah thano 60 puti po miloslivo thari i daj pire čhaveske.

Hem ko Agor rodava tharo Allah te bajrakerel amaro Imani te šaj te cida amen tharo Grevoja.

 

 

Amin

 

Share This Post


5 odgovorija u vezi “El-Ismu – Grevoja (Dersi: Hodža Imer Ajdini)”

  1. muhamet asanov tari italija penela:

    selam alejkum pralalen tumen vakerena sa o dzadzipa e alaeskoro insallah o allaj te nagradinelamen sa e pralen soj ko akava dini isslamijeti naneman lafi baso sa akala hadisija em ajetija selam aljkum em mubareko tumaro manglo ramazani sa e pralenge

  2. brisa burhan andari italia (venezia) penela:

    akava radio islamsko kataro amaro hodza imer ajdini si but laco i si lache ilahije islamske!!!!

  3. guner belgija penela:

    valaj akava dersi but suzo insala panda but povise dersija te suna em te citina te ova magle taro alah a mrzime taro sejtani naletulah

  4. RESATI ANDRI KOSTOLCA PENELA penela:

    SELAM ALEJKUM SA E PRALJENJE, A POSEBNO E PRALJESE IMERESE INSALLA O ALLAH TE NAGGRADINITU SO PRAVEJA AMARE JACA, HADISENCAR SAR SUNIDBA CITINDOJ. ESELAMU ALEJKUM SARINENJE KOTAR ROMANI DZAMIJA . RESAT NUR DZAMIJA KOSTOLAC

  5. rober penela:

    me sinion rom españaiko diklon tire lila kate thaj si ande romanes kado si but lacho ,me tradem tumengue but sastipen thaj mistipe minrre phrala



Tumare Komentarija

Akate saj te pisinen thumare komentarija hem ideje:

    Ilahije

    Ilahije



    Amaro cil nane amen te bajrakera amen akale internet stranaja, nego thari akaja internet strana amen mangaja te ana thumen po pase ko Allaheskoro drumo hem te vakera soske isi amen Romani Dzamija ko vilo e Evropakoro.


    Galerija

    Slike taro Hadž



    Akala slike thane kerde ko 07.07.2007 berš ked amari Džamija I.K.U.R. e.V Düsseldorf organizirimo gelo ki Umra, Mekka hem Medina. Inšallah akava berš 2008 phalem amari Džamija organizirinela te džal pe ko Hadž, koj ka mangel amensar te avel ko akala mubareko thana šaj te prijavinelpe ko masek Ramazani ki amari Ddžamija. Amaro vodiči ka ovel o Hoddža Imer Ajdini.


    Kalendari

    Kalendari

    March  2024
    Mon Tue Wed Thu Fri Sat Sun
       
      1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31