Ajetija baš o Hadždži:

"Čače o angluno kher kova thano vazdimo baši o manuša, thano odova kher kova thano ki Bekka (Mekka). Odova thano blagoslovimo hem smirinela e manušen.(Ali Imran 3/96);.

Ajeti:

"Maškar ko manuša izvestin o hadždži, te trebela pirindor, ili tharo dur drumoja upral ko lengere deve (kamile) umorna neka aven thute.(Hadždž 22/27)"

Hadisija baš o Hadždži:

"Ej Manušalen o Allah thumenge o hadždži farzi kerga, odoleske keren o hadždži. (Muslim)"

Hadis:

"Koj e Allaheskere nijeteja ka džal ko hadždži hem ka cidel pe tharo lošna lafija hem lošno ponašanje, ka iranel pe tharo hadždži cisto sar jek maksimi (čhavo) kova bijangola thari daj. (Buhari)"
Info- Info - Info - Amari Dzamija I.K.U.R. e.V. Kldinela i Dzuma ko 14:30 h. O dersi pocminela ko 14:00 h. Posener str. 209 (40231 Dusseldorf Eller)

Mevlud – E Pejgambereskoro bijandipe

Maškar ko Muslimanja pendžarutno thano o dive, ked bijandilo o Pejgamberi sar Mevlud.
Ki bitevija dunjaja (celo sveto) slavinena o bijandipe e Pejgambereskoro.

 
Amaro Pejgamberi Muhammed bijandilo ko 570 berš (b.) premal o hristijansko kalendari, a dešudujto dive tharo masek Rebiu´l-Evvel ki dis Mekka, tharo dhat Abdullah a i daj Amina.

 

O dhat e Pejgambereskoro o Abdullah merela angleder o Pejgamberi te bijangol.

A i daj leskeri i Amina merela 576 b. ked e Pejgambere isile 6 berš.

 

Amare pejgambere bajrakerela le o leskoro phapo o Abdulmuttalib, kova phalo 2 berš ov da nakela i dunjaja ko 578 b.

 

Palo meribe e phaposkoro amare pejgambere lela te bajrakerel leskoro kako o Ebu-Talib sa dži kote na prandinelape e Hatidžaja ko 597 b. Tegani amare pejgambere isi le 25 berš.

 

609 b. ked e pejgambere isile 40 berš avela leske o anglutno ajeti (i objava) ki peštera Hira.

 

Ko 619 b. merla i Hazreti-Hatidža.

 

Amaro pejgamberi ko 621 b. džala ko Miradži, palo 18 masek kerela Hidžra 622 b. (preselinelape) thari Mekka ki Medina.

 

Ko 632 b. ked amare pejgambere isile 63 berš nakela i dunjaja ki dis Medina kova avdije odothe i pharomo.

 

Sura Al-Anbiya, Ajeti 107:

Sura

“Amen thut sar Rahmeti (milost) e alemenge (narodonge) bičalgem”

 

Ov, o Pjagamberi Muhammed thano bicaldo sar agarutno (posledno) pejgamberi e alemenge (e narodoske).

 

Ov, salde leske o Allah dž.h. dinga leske o šifati Rahmeti kova ko sa e manušengoro kalbi o mangipe angja.
O Islam hem o phakaibe ko jek kerga hem sar naj šukar Ahlako maškar ko narodo sikavgja.
Ko leskoro hajati e manušenge ov sine orneko (primeri).

 

Avdije svako jek muslimani mangela sar orneko (primeri) le te lel.
Amen trebela le harica po pase te pendžarale, hariza povise te džanale, okuindor (čitindor) leskoro hajati, šunindor dersija tharo leskoro ahlako amen ka džana koj thano o Pejgamberi MUHAMMED

Share This Post




Tumare Komentarija

Akate saj te pisinen thumare komentarija hem ideje:

    Ilahije

    Ilahije



    Amaro cil nane amen te bajrakera amen akale internet stranaja, nego thari akaja internet strana amen mangaja te ana thumen po pase ko Allaheskoro drumo hem te vakera soske isi amen Romani Dzamija ko vilo e Evropakoro.


    Galerija

    Slike taro Hadž



    Akala slike thane kerde ko 07.07.2007 berš ked amari Džamija I.K.U.R. e.V Düsseldorf organizirimo gelo ki Umra, Mekka hem Medina. Inšallah akava berš 2008 phalem amari Džamija organizirinela te džal pe ko Hadž, koj ka mangel amensar te avel ko akala mubareko thana šaj te prijavinelpe ko masek Ramazani ki amari Ddžamija. Amaro vodiči ka ovel o Hoddža Imer Ajdini.


    Kalendari

    Kalendari

    December  2017
    Mon Tue Wed Thu Fri Sat Sun
       
      1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31