Ajetija baš o Hadždži:

"Čače o angluno kher kova thano vazdimo baši o manuša, thano odova kher kova thano ki Bekka (Mekka). Odova thano blagoslovimo hem smirinela e manušen.(Ali Imran 3/96);.

Ajeti:

"Maškar ko manuša izvestin o hadždži, te trebela pirindor, ili tharo dur drumoja upral ko lengere deve (kamile) umorna neka aven thute.(Hadždž 22/27)"

Hadisija baš o Hadždži:

"Ej Manušalen o Allah thumenge o hadždži farzi kerga, odoleske keren o hadždži. (Muslim)"

Hadis:

"Koj e Allaheskere nijeteja ka džal ko hadždži hem ka cidel pe tharo lošna lafija hem lošno ponašanje, ka iranel pe tharo hadždži cisto sar jek maksimi (čhavo) kova bijangola thari daj. (Buhari)"
Info- Info - Info - Amari Dzamija I.K.U.R. e.V. Kldinela i Dzuma ko 14:30 h. O dersi pocminela ko 14:00 h. Posener str. 209 (40231 Dusseldorf Eller)

O Mubarekoja Trin Masek

Premal o Islamsko kalendari kugem ko trin masekoja kola amende i pendžarutne sar (üc ajlar) trin mubareko masekoja, odola thane Redžep, Šaban hem o Ramazan, kova ko amaro islamsko hajati (životo) isilen baro vrednos.


Amaro Pejgamberi o Muhammed a.s. baši akale masekongoro vrednos vakerela but hadisija.

 

Jek tharo akla hadisija amro pejgamberi Muhammed a.s vakerela:
O Masek Redžeb thano e Allaheskoro masek, o masek Šaban thano miro masek, a o masek Ramazan thano e Ummeteskoro masek, koj ka araklovel khere ko akala masekoja neka nakavellen ko Ibadeti.

 

Ked ka aven sine akala masekoja amro Pejgamberi sekogaš vazdela sine pe vasta hem kerelasine Dova vakerindor:

“Devla ker amenge mubareko o masek Redžep hem o masek Šaban, hem ker nasipi te dodžara o masek Ramazani”.

 

O Masek Redžep hem o Masek Šaban thane masekoja kola vakerena soske avela amenge o Ramazani. Ked ka aven sine akala duj masek amaro Pejgamberi nakavela len sine intenzivno ko ibadeti, adzikerindor o Ramazani.

 

Prenesinelape jek hadisi tharo Usame ibn Zejd vakerindor:

Na diklem o Pejgamberi te postinel povise tharo akala masekoja osven ko masek Ramazani.

 

Ko javer Hadisi i Hazreti Aiša r.a vakerela:

O Pejgamberi ko akla masekoja doborom postinela sine so amen mislingem nikad ne bi ačola e posteja, a nekad ačola sine e posteja (na postinela sine) doborom so amen mislingem nane te postinel više.

 

Tharo akala hadisija dikaja soske ko akala duj masekoja te postinelpe (oruči te ikerelpe) thano sunneti (sukar). Svako jek muslimani trebela akala masekoja so pobuter te nakavellen ko ibadeti, kldindor namazi , okuindor Kur`ani, kerindor zikiri, anindor salavati, ikerindor oruči (postindor) dindor sadaka.

 

Ko akala masekoja isi amen asavke mubareko rakha kova o Allah dž.h. bičalela po rahmeti hem merhameti upral leskere kulija (muslimanja). Akalendar i angluni mubareko rhat thani i angluni džuma tharo masek Redžep Lejletul-Regaib, i dujto mubareko rhat thani ko 27 dive tharo masek Redžep Lejletul-Miradž, o trito mubareko rhat thano ko 15 dive tharo masek Šaban Lejletul-Berat hem o 27 rhat tharo mask Ramazani Lejletul-Kadr.

 

Amari Džamija kerela thumenge mubareko akala trin masekoja mangindor thumenge sa najsukar, hem neka ovel e Allaheskoro Rahmeti upral thumende.

Share This Post


2 odgovorija u vezi “O Mubarekoja Trin Masek”

  1. Anonymous penela:

    masala but sukar objasningen

  2. Anonymous penela:

    eselam alejkum prallalen o allah te nagradineltumen akalle dersjenca .vec bi ka molinavtumen ako saj te den svakone masikese savo vrednost isile .i so desisalo ankadava masik baro sar lelletul miradj ,leletul berat ilejetul regaib .selam alejkum ….



Tumare Komentarija

Akate saj te pisinen thumare komentarija hem ideje:

    Ilahije

    Ilahije



    Amaro cil nane amen te bajrakera amen akale internet stranaja, nego thari akaja internet strana amen mangaja te ana thumen po pase ko Allaheskoro drumo hem te vakera soske isi amen Romani Dzamija ko vilo e Evropakoro.


    Galerija

    Slike taro Hadž



    Akala slike thane kerde ko 07.07.2007 berš ked amari Džamija I.K.U.R. e.V Düsseldorf organizirimo gelo ki Umra, Mekka hem Medina. Inšallah akava berš 2008 phalem amari Džamija organizirinela te džal pe ko Hadž, koj ka mangel amensar te avel ko akala mubareko thana šaj te prijavinelpe ko masek Ramazani ki amari Ddžamija. Amaro vodiči ka ovel o Hoddža Imer Ajdini.


    Kalendari

    Kalendari

    March  2024
    Mon Tue Wed Thu Fri Sat Sun
       
      1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31